Та www.eventx.mn вебсайтад бүртгүүлэхдээ баруун дээд буланд байрлах “бүртгүүлэх” товчлуурыг дарж өөрийн хувийн мэдээллээ бүрэн оруулж, гар утасны дугаараар бүртгүүлэх бөгөөд таны гар утсанд ирсэн баталгаажуулах кодыг оруулсанаар таны бүртгэл баталгаажна. Бүртгэл баталгаажлаа гэж гарч ирмэгц та утасны дугаар, үүсгэсэн нууц үгээ ашиглан нэвтэрч эвэнт үүсгэх, борлуулах, зохион байгуулах боломжтой. Та өөрийн аюулгүй байдлыг хангах үүднээс нууц үгийг тогтоож, хадгална уу.
Та нууц үгээ мартсан бол нэвтрэх цэсний доор байрлах “нууц үг сэргээх” товчлуурыг дарна. Бүртгэлтэй утасны дугаараа оруулсанаар баталгаажуулах код мессежээр очих ба та тухайн кодыг оруулж нэвтрээд өөрийн нууц үгийг солих боломжтой.
Та eventx вебсайт ашиглахдаа төлбөрөө Qpay болон интернет банк ашиглан төлөх боломжтой. Таны худалдан авах тасалбар болон төлбөртэй эвэнтийн төлбөр төлөх товчлуурыг дарахад автоматаар QR code үүснэ. Хэрэв та интернет банкыг сонгох бол QR code-н доор харагдах “интернет банк” хэсгийг дарж өөрийн интернет банкны эрхээр нэвтрэн төлбөр төлөх боломжтой. Төлбөр амжилттай төлөгдсөн тохиолдолд тухайн дэлгэц дээр “төлбөр амжилттай төлөгдлөө” төлөв гарч ирнэ.
Та нэвтэрч орсоноор вебсайтын баруун дээд буланд харагдах “эвэнт үүсгэх” хэсэгт дарж, өөрийн зохион байгуулж буй эвэнтийн мэдээллийг, болох байршлын хамт газрын зураг дээр, араг хэмжээний зургуудийн хамт оруулж эвэнтээ үүсгэнэ. Хэрэв таны эвэнтийн мэдээлэл хангалтгүй эсвэл тэмдэгт дутсан эсвэл илүү гарсан тохиолдолд эвэнт үүсэх боломжгүй ба танд ямар алдаа гарч буйг мэдээлэх цонх гарч ирж мэдээлнэ. Тухайн алдааг зассанаар таны эвэнт амжилттай үүснэ.
Та олон нийтэд хандсан болон төлбөргүй эвэнтийг нээлттэйгээр үүсгэж болно. Энэ тохиолдолд таны эвэнтэд оролцож буй оролцогчдын мэдээлэл таны “хувийн мэдээлэл” хэсэгт дэлгэрэнгүй харагдах бөгөөд бүх хүмүүст харагдах эвэнтийг “нээлттэй эвэнт” гэнэ.
Та зөвхөн өөрийн хайртай хүмүүс, найз нөхдийн хүрээнд үүсгэх төрсөн өдөр, хүүхдийн сэвлэг үргээх ёслол, хурим гэх мэт дурсамжит өдрөө тэмдэглэх эвэнтээ үүсгэхийг хаалттай эвэнт гэж ойлгоно. Хаалттай эвэнтүүд нь зөвхөн таны урьсан хүмүүст харагдах ба олон нийтэд харагдахгүй. Та хаалттай эвэнтээ бусадтай хуваалцахдаа зочны утасны дугаарыг оруулж урилга илгээнэ.
Манай эвэнтийн нэгдсэн платформ нь бүх төрлийн эвэнт, арга хэмжээгээ маш бага шимтгэлээр үүсгэх, түгээх боломжийг олгож байгаа бөгөөд та бүртгүүлэх үедээ үйлчилгээний нөхцөл хэсгээс уншиж танилцах боломжтой.
Та эхлээд өөрийн хувийн утасны дугаараар хэрэглэгчээр бүртгүүлсэний дараа “хувийн мэдээлэл” хэсгийн “байгууллага бүртгэх” тохиргоог ашиглан өөрийн бизнесийн мэдээлэл, бүтээгдэхүүн, үйлчилгээг байршуулаарай. Бүтээгдэхүүн, үйлчилгээгээ байршуулахдаа та ажлын цагийн хуваарь зэргээ оруулахаа мартуузай.
